Erizainak borrokan, LEP bidegabe baten aurrean

26 urtarrila 2023

Hurrengo elkarretaratzeak datorren ostiralean, otsailak 10, izango dira:

Donostia Ospitalea, 8.15etan
Santiago Ospitalea, 11:00etan
Basurtoko Ospitalea, 8:15etan

valoración

Currently 0 out of 5 Stars.

Euskadiko Erizainen Sindikatutik eskerrak eman nahi dizkizuegu SATSEk deitutako protestei modu proaktiboan erantzun diezuen lankide guztiei, Osakidetzako LEP prozesuen kudeaketa negargarri honen aurka.

Erizainek eta fisioterapeutek egin dituzte protesta horiek, eta leloak berak dioen bezala, nazkatuta gaude:

Nazkatuta, Osakidetzak LEP bat egitera behartzen gaituelako, aurrekoa ebatzi gabe eta JADA plazarik badugun jakin gabe.
Nazkatuta, baldintza horietan azterketa bat prestatu behar izateak gure bizitza pertsonalean eragiten digulako eta duela urtebete egin genuen LEParekin alderatuta gai-zerrendan aldaketak izan ditugulako.

Nazkatuta, Osakidetzak gai horiek kudeatzeko eta bere langileekin komunikatzeko duen modu bakarra inposaketa delako. Ez dago benetako negoziaziorik, SATSE Euskaditik urteetan salatu dugun bezala.

Ezarritako EPE

Sailburuak esan du LEP hau hitzartuta zegoela, baina guk esan diogu ez dela egia. Ez dugu LEP hau sinatu, Osakidetzak ez digulako prozesuan parte hartzen utzi. Horregatik, deialdi berri honen inguruan hartu diren eta zuengan eragina duten erabakiak Osakidetzaren aldebakarreko erabakiak dira.

Izan ere, NAZKATUTA GAUDE, gaur inoiz baino ozenago eta argiago esaten dugu: Osakidetza: Ez ditugu zure inposizioak onartzen!