SATSEk euskal osasunarentzat eta bertako langileentzat benetako irtenbideak Eusko Legebiltzarrean eskatu ditu

Erizaintzako Sindikatu gisa, atzo agerraldia egin genuen Eusko Legebiltzarrean, osasun-ereduari buruz hausnartzeko eta eredu hori euskal gizartearen errealitatera egokitzeko. Erizainik eta emaginik ez izatea funtsezko kontua da, profesionalei zuzenean eragiten diena eta herritarrentzako arretan ondorio zuzenak dituena. 

 
Herritarrek langile-falta hori gehien nabaritzen duten eremuetako bat Lehen Mailako Arreta da, gehien erabiltzen den asistentzia-maila baita. Erizain bakoitzeko 2.000 paziente baino gehiago ditugu batez beste, eta ESI batzuetan, Donostialdean esaterako, 3.300 pertsona profesional bakoitzeko. SATSEren ustez, zaintzan oinarritutako eredu batek zifra hori aise gainditu beharko luke. 
 
Erizainak falta dira  

Baina, Eusko Legebiltzarrean salatu genuenez, langileen defizit-egoera hori asistentzia-eremu guztietara iristen da, eta ondorio larriak izaten ari da langileengan: baimenak eta oporrak ukatzen dira, atsedenaldiak murriztea eskatzen da, txanda bikoitzak egitea, aparteko orduak, guardiak, etab. 
 
Salatu dugu Euskal Osasun Zerbitzuak diskriminazio bikoitza egiten duela gure kolektiboarekin: salbuespenezko egoera horiek konpentsatzeko dauden mekanismoak ez aplikatzeagatik, eta lan-baldintzen aldaketa horiek negoziatzeari uko egiteagatik, alde bakarretik inposatzen baititu. Zehazki, SATSEk eskatuta, bost epai ditugu Osakidetzaren aurka, langileen oinarrizko eskubideak urratzeagatik. 
 
Era berean, erizainen ratioa eta lan-baldintzak hobetzea proposatu dugu, segurtasun juridikoa duten eskumenak hedatzea, eta erizaintzako espezialitateen hedapenean, fisioterapian lehen mailako arretan eta eskola-erizainaren ezarpenean aurrera egitea. 
 
Agerraldiari amaiera emateko, euskal osasun-sistema publikoarentzat benetako konponbideak bilatzeko eskatu genion Osakidetzari. Eta, horretarako, beharrezkoa da plantilla behar bezala dimentsionatzea eta langileen lan-baldintzen benetako negoziazioa berreskuratzea, prekarietatea eta behin-behinekotasuna murriztera bideratuta. 

Erlazionatutako edukia 

 
Kontsultatu hemen SATSEren agerraldi osoaren bideoak  

• Amaia Mayor SATSE sindikatuko bozeramailearen agerraldia. Bideoa ikusi 

• Taldeen txanda: Amaia Mayor SATSE sindikatuko bozeramailearen agerraldia Bideoa ikusi 

• Taldeen bigarren txanda. Amaia Mayor SATSE sindikatuko bozeramailearen agerraldia Bideoa ikusi 

No hay ningún comentario