EPE Osakidetza 2018-19: Lan Osasuneko erizainen kategoriako destinoen behin betiko zerrenda eta esleipena

2024ko urtarrilaren 26an, Osakidetzako webgunean hautagaien behin betiko zerrenda eta Lan Osasuneko erizainen kategoriako destinoen esleipena jasotzen dituzten ebazpenak argitaratzea aurreikusi da. 

Zerrendak bistaratzeko, Osakidetzaren webgunean sartu behar duzu, eta, ondoren, elektronikoki identifikatu "Sarbidea" atalean, zure NANarekin eta pasahitzarekin. 

Bi epe daude gora jotzeko errekurtsoa aurkezteko: 

• Gora jotzeko errekurtsoa jartzeko epea 2024ko urtarrilaren 29tik otsailaren 28ra bitartekoa izango da. 

• I. eranskinean daudenentzat, lanpostuaz jabetzeko epea 2024ko otsailaren 7tik martxoaren 6ra artekoa izango da, "izendapenaren ebazpena" otsailaren 6an argitaratuko baita EHAAn. Halaber, epe hori izango da izendapen-ebazpen horren aurka gora jotzeko errekurtsoak jartzeko.

Esleitutako destinoaz jabetzeko, interesdunak Osakidetzako Erakunde Zentraleko egoitzara joan beharko du, aldez aurretik hitzordua eskatuta (tlfn. 94 500 63 38/94 500 61 50), honako agiri hauekin: 

• NANa, pasaportea edo gidabaimena. 

• T.I.S. edo Gizarte Segurantzako Kartilla. 

• Osasun-azterketaren ziurtagiria, Osakidetzako Prebentzio Zerbitzuak emana. 

• Inongo administrazio publikoren zerbitzutik bereizi ez izanaren zinpeko aitorpena edo promesa. Osakidetza-euskal osasun zerbitzuak emango du agiri hori. 

• Elkargoko kide izatearen ziurtagiria. 15 eguneko balioa du eta Elkargo Profesionalaren webgunearen bidez eska daiteke.

Esleipenduna Osakidetzan edo beste osasun-zerbitzu batean lanean ari bada, lanpostuaz jabetzeko, behar besteko aurrerapenaz eskatu behar dio zerbitzu-erakundeari lanpostua uzteko. Lanpostuaz jabetu eta hurrengo egunean hasiko da lanean. 

Lanpostuaz jabetzea eragozten duen egoera batean egonez gero, kontsultatu Osakidetzara deitzean. Hitzordua eskatzeko telefono berean sartzeko epea luzatzea eskatu beharko da. 

• Dokumentu honetan jabetza hartzeko informazio guztia kontsulta dezakezu. 

Destinoa lortzen ez duten pertsonak 

Destinoa lortzen ez duten pertsonek II. eranskina (prozesua plazarik gabe gainditu duten pertsonak) eta III. eranskina (prozesutik kanpo utzitako pertsonak) kontsultatu behar dituzte, akatsik izanez gero dagokion erreklamazioa egin ahal izateko. Garrantzitsua da erreklamatzea akatsen bat izanez gero, puntuazioan dauden desadostasunek ondorioak baitituzte kontratazio-zerrendetan.