Lanbide Garapeneko Ohiko Deialdia: behin behineko zerrenda

Ebazpen horren bidez, Osakidetzako zuzendari nagusiaren abenduaren 10eko 1723/2024 Ebazpenaren bidez argitaratutako garapen profesionalerako deialdi arruntean izena emateko eskabideak ebazten dira, eta deialdi arruntean onartutako eta baztertutako izangaien behin behineko zerrenda argitaratzea agintzen da.

Ebazpen honen aurka gora jotzeko errekurtsoa aurkeztu ahal izango zaio Osakidetza-Euskal osasun zerbitzuko Administrazio Kontseiluari. Horretarako, hilabeteko epea izango da, Ebazpena Euskal Herriko Agintaritzaren Aldizkarian argitaratu eta hurrengo egunetik aurrera (2025/02/24tik 2025/03/24ra bitartean, biak barne).

Aplikazio informatikorako sarbidea otsailaren 24tik aurrera dago eskuragarri.

Jakinarazten da hilabeteko epea ematen dela ebazpena argitaratu eta hurrengo egunetik, hau da, 2025eko otsailaren 24tik martxoaren 24ra (biak barne), curriculum vitaearen aplikazio informatikoan B eta C blokeetako curriculum-merezimenduak alegatzeko.

Autoebaluazioa

Aldi horretan bertan, profesionalak bere autoebaluazioa egin ahal izango du  2025eko otsailaren 24tik martxoaren 24ra (biak barne). Prozesua Osakidetzako Lanbide Garapeneko aplikazio informatikoaren bidez bakarrik egin ahal izango da.

• Autoebaluazioa borondatezkoa da. Hala ere, gomendagarritzat jotzen da
• Autoebaluazio-fitxa Lanbide Garapeneko aplikazio informatikoan baino ez dago eskuragarri.

Informazio gehiago nahi izanez gero, gomendatzen da Ohiko Galderen Dokumentua (BERRIA)  dokumentua irakurtzea.