Sindikatuek oso positibotzat jo dute TGEEZko langileek egindako grebaren jarraipena

Transfusio eta Giza Ehunen Euskal Zentroko langileek greba egin zuten 13 egun betetzear zirela,SATSE, ELA, LAB, CCOO, UGT eta UTESEsindikatuek jarraipenari buruzko balorazioa egin dute gaur goizean Bilbon. Greba “oso positibotzat” jotzen dute, bai %90 inguruko jarraipenagatik, “nahiz eta gehiegizko gutxieneko zerbitzuak izan”, bai Osakidetzaren aldetik espero dituzten ondorioengatik”.

Izan ere, sindikatuek, irtenbide negoziatu eta eraginkor bat lortzeko asmoz, beste dei bat egin diete Euskal Osasun Zerbitzuko arduradunei gatazkari irtenbide negoziatu bat emateko, Zentroko langileek jasaten duten diskriminazio bidegabearekin amaitzeko. Hilabete asko daramatzagu Euskal Osasun Zerbitzuko zuzendaritzari eskatzen negoziatu nahi dugula, Euskal Zentroko langileok inolako azalpenik gabe jasaten ari garen diskriminazio bidegabearekin amaitzeko konponbide batera iristeko, eta espero dugu oraingoan Osakidetzak akordioa lortzea eta erdiestea.  

Ezinbesteko zerbitzua

Gogoratu behar da Transfusio eta Giza Ehunen Euskal Zentroak ezinbesteko zerbitzua eskaintzen duela Euskadin odol- eta ehun-hornidura bermatzeko. Hala ere, sindikatuek salatu duten bezala, langileek diskriminazio anakronikoa eta bidegabea jasaten dute, eta ez da aitortzen egiten duten lan garrantzitsua, Osakidetzako gainerako lankideek baino %4 gutxiago kobratzen baitute, eginkizun berberak edo antzekoak betez. Horregatik, konparaziozko bidegabekeria horrekin amaitzeko eskatzen dute.

“Eusko Legebiltzarrak ere eskatu dio Osakidetzari egoera horri amaiera emateko”. Sindikatuek salatu dutenez, “langileek bi urte baino gehiago daramatzate gatazkan: Mobilizazioekin jarraituko dugu Osakidetzak egoera desblokeatu eta baldintzak ospitaleko gainerako langileekin parekatzea erabaki arte”.

Hori guztia dela eta, azken asteetan zentroko langileek errepidea moztu dute, manifestazioak egin dituzte Bilbon eta informazio-piketeak egin dituzte.