2024ko Karrera Profesionalaren behin betiko ebazpena argitaratu da Osakidetzan

Astelehen honetan, ekainaren 30ean, Euskal Herriko Agintaritzaren Aldizkarian argitaratu da Osakidetza-Euskal Osasun Zerbitzuko zuzendari nagusiaren ekainaren 12ko 984/2025 EBAZPENA, 2024ko garapen profesionalerako deialdi arruntean aurkeztutako eskabideak ebazten dituena eta Osakidetzako zerbitzu-erakundeetako profesionalentzako mailen behin betiko esleipena argitaratzeko agintzen duena.

Ebazpena esteka ofizial honetan kontsulta daiteke: EHAArako sarbidea – 984/2025 Ebazpena

Interesdunek banakako puntuazioa kontsulta dezakete Osakidetzaren garapen profesionalerako aplikazio informatikoaren bidez: lanbidegarapena.osakidetza.eus

Deialdi honetan ofizioz baztertu dira B blokean eskatutako gutxieneko puntuetara iristen ez zirenak, baldin eta A eta C blokeetan eskatutako gutxienekoak betetzen badituzte, araudiak ezartzen duen bezala.

Aitortutako mailen ordainsari-ondorioen data 2025eko urtarrilaren 1etik aurrera izango da.

Alegazioak aurkeztu nahi dituzten profesionalek hilabeteko epea dute gora jotzeko errekurtsoa aurkezteko Osakidetzako Administrazio Kontseiluari, ebazpen hau EHAAn argitaratu eta hurrengo egunetik aurrera.