Hizkuntza eskakizunen bigarren deialdia: Eskaerak egiteko epea zabalik

2024. urteko hizkuntza-eskakizunen bigarren deialdia argitaratu da.

Eskabidea elektronikoki egin beharko da, eta, beraz, txartel ziurtagiri digitala beharko dute (identifikazio- eta sinadura-sistema), deialdian zehar izapide guztiak egin ahal izateko.
 

Eskabideak egiteko epea irailaren 7tik 20ra izango da, biak barne.
 

Inskripzioa AZTERNET aplikazioaren bidez egin beharko da.
 

Garrantzitsua: Ez dira onartuko paperean edo goian aipatutako moduan egindako eskaerak.

Egutegia:

• Eskaerak egiteko epea: irailaren 7tik 20a, biak barne
• Onartuen eta baztertuen behin-behineko Ebazpena: urriaren 3an argitaratuko da
• Onartuen eta baztertuen behin betiko ebazpena: urriaren 17an argitaratuko da

Idatzizko azterketa

• Urriaren 26an egingo da, Barakaldoko BECen
• Azterketa idatziaren ordutegia eta pabiloietako guneen banaketa: urriaren  17an argitaratuko da
• Idatzizko azterketaren emaitzak: azaroaren 28tik  ikusgai egongo dira AZTERNETen

Ahozko azterketa

• Hiru lurraldeetan egingo da, abenduaren 11n, 12an eta 13an
• Egunak, lekuak eta orduak: azaroren 28tik ikusgai egongo dira AZTERNETen
• Ahozko azterketara deituta zauden ala ez: azaroaren 28tik ikusgai egongo da AZTERNETen

Emaitzak

• Behin-behineko emaitza orokorren Ebazpena: abenduaren 30ean argitaratuko da
• Erreklamazio-epea (idatzizko azterketarena eta ahozko azterketarena): abenduaren 31tik urtarrilaren 8ra, biak barne
• Behin betiko emaitzen ebazpena: urtarrilaren 30ean argitaratuko da