SATSE Euskadik irtenbideak eskatu ditu erretiro partzialaren eredu berriaren aurrean

Jaurlaritzak apirilaren 1ean abian jarriko duen erretiro partzialaren eredu berriak zaildu egingo du erretiro partzialaren onuradun izateko interesa duten profesional guztien erretiro partziala.

Hemendik aurrera, ordezko bat kontratatu beharko da denbora mugagaberako. Hori "guztiz bateraezina" da funtzio publikoarekin, bitarteko hautaketa-prozesurik gabe.

Horrek esan nahi du erretiro partzialaren eskaera oro lan-eskaintza publiko baten baldintzapean geratuko dela, eta eskaintza horrek erretiro partzialaren eskaerak betetzeko plaza-kupo bat aurreikusi beharko du.

Hala, Jaurlaritzaren asmoa da administrazio publiko bakoitzak urtero, bere Enplegu Publikoaren Eskaintzan edo antzekoan, erretiro partzialak betetzeko beharrezkoak diren ordezkoen aurreikuspena jasotzea.

Konponbideak!

SATSE Euskadik konponbide bat eskatzen du arau-aldaketa horren aurrean, ez baititu kontuan hartu hitzarmen kolektibo bidez erretiro partziala hartzeko eskubidea aitortuta duten lan-kontratuko langile publikoak.

Xedapen iragankor bat sartzea eskatzen dugu, administrazio publikoko, Osakidetzako, foru-aldundietako, udaletako eta Euskadiko Administrazio Orokorreko lan-kontratuko langileei 2025ean erretiro partziala hartzeko aukera emango diena, txanda-kontratuak lan-eskaintza publikoetan sartzeko legezko izapideak egin ahal izan arte.

Era berean, Osakidetzako estatutupeko langileek eta Foru Aldundietako, Udaletako eta Euskadiko Administrazio Orokorreko funtzionarioek erretiro partziala hartzeko duten eskubidea zabaltzeko legezko izapideak egitea eskatzen dugu.