Osakidetzan etengabeko prestakuntzako eta birziklatze profesionaleko ikasketetarako 2025erako laguntzak eskatzeko epea zabalik

Osakidetzak uztailaren 17ko 1263/2025 Ebazpena argitaratu du. Ebazpen horren bidez, etengabeko prestakuntzako eta birziklatze profesionaleko ikasketak egiteko laguntza-programaren deialdia egin da, 2025eko ekitaldirako. Ebazpena uztailaren 23an argitaratu da Euskal Osasun Zerbitzuaren webgunean.

Interesdunek www.osakidetza.euskadi.eus helbide elektronikoan aurkeztu ahal izango dituzte eskabideak, honako ibilbide honi jarraituz: Online Zerbitzuak > Profesionalentzako Zerbitzuak > Etengabeko Prestakuntzarako eta Birziklatze Profesionalerako Laguntzak.

Eskabideak aurkezteko epea uztailaren 24an hasi eta 2025eko irailaren 26an amaituko da.

Osakidetzako langileek beren konpetentzia profesionalak hobetzeko eta eguneratzeko ikasketak egin ahal izatea errazteko dira laguntza horiek. Deialdiaren helburua osasun-langileen etengabeko hobekuntza eta prestakuntza-garapena sustatzea da.

BALDINTZAK:

• 2024ko irailaren 1etik 2025eko abuztuaren 31ra arte amaitutako ikasketak.
• Deialdiaren ebazpena argitaratzen den egunean zerbitzu aktiboan dauden langileak
• Eskabidea eta gainerako nahitaezko dokumentazioa Osakidetzako edozein zerbitzu-erakundetako erregistroan aurkeztea, deialdian ezarritako epean.

Deialdi honi eta beste laguntza batzuei buruzko informazio gehiago nahi izanez gero, interesdunek Osakidetzako intraneta kontsulta dezakete, Prestakuntzarako laguntzak atalean.