2023-2024-2025 EPEan onartutakoen eta baztertutakoen behin-behineko zerrenda argitaratu da

Atzo, 2026ko maiatzaren 5ean, Osakidetzaren 2023-2024-2025 EPEaren webgunean argitaratu dira erizain eta fisioterapeuta kategorietako hautaketa-prozesuetan onartutako eta baztertutako pertsonen behin-behineko zerrenda jasotzen duten ebazpenak.

Interesdunek beren egoera kontsultatu ahal izango dute aplikazioaren eremu pribatuan sartuta, "Sarbidea" atalean identifikatuta.

Erreklamazioak aurkezteko epea

Akatsik edo gorabeherarik hautematen baduzu, gogoratu erreklamazioa 2026ko maiatzaren 6tik maiatzaren 19ra arte aurkez dezakezula, biak barne, EPEren webgunean bertan gaitutako aplikazioaren bidez.

Garrantzitsua da zerrendan zure egoera ondo berrikustea eta, behar izanez gero, erreklamazioa epe barruan egitea, prozesuan arazorik ez izateko.

Edozein zalantza izanez gero, jarri harremanetan zure SATSEko ordezkariarekin. Prozesu osoan laguntzeko gaude.

Informatzen jarraituko dugu!