SATSEk errekonozimendua eta kudeaketa-erizainentzako eskubideak eskatzen dizkio Osakidetzari

SATSErentzat argi dago kudeaketa-erizainek beren eguneroko lanean sistemari egiten dioten lan eskerga. Horiek gabe, ezinezkoa litzateke langileen eta baliabideen kudeaketa, beste talde/zerbitzu batzuekiko koordinazioa, protokoloak ezartzea eta horien jarraipena egitea.

Osakidetzak, dirudienez, ez du hain argi; izan ere, kontziliazioa eta errekonozimendua mugatzen ditu, eta, gainera, zerbitzuak, unitateak, zentroak... kudeatzen dituzten erizainak etiketatzen ditu, gainbegirale, koordinatzaile eta laguntzaile gisa, eta termino horien azpian mendeko edo bigarren mailako zeregina dago, errealitatearekin bat ez datorrena.

SATSEn argi daukagu, gure ustez, izendapen horiek ez dituztela deskribatzen kargu horiek betetzen dituzten erizainen gaitasunak eta funtzioak:

• Ez dugu gainbegiratzen edo koordinatzen: erizainek taldeak gidatzen ditugu eta pertsonak eta baliabideak kudeatzen ditugu.

• Ez gara kargu bati atxikiak: Taldeak, zerbitzuak, zentroak eta osasun-arloa zuzentzen ditugu.

Horregatik, 2005etik berrikusi gabe dagoen lanpostu funtzionalen dekretua eguneratzeko negoziazioan, SATSEk erizaintzako agintariek beren izendapenari dagokionez jasaten duten diskriminazioarekin amaitzearen aldeko apustua egin du, eta zentzu horretan gure ekarpenak helarazi ditugu.

Taldeak zuzentzen badituzu eta pertsonak eta baliabideak kudeatzen badituzu, erizaintzako burua izango zara jarduten duzun eremuan edo mailan.

Gaitasun berberen aurrean, izen bera, beste talde profesional batzuetan aitortzen den bezala; gure kolektiboaren balioaren alde egitea da, eta hori aitortzea eskatzen dugu.

Gainera, kudeaketa-lanpostuetarako ere kontziliazio-eskubideak errespetatzeko eskatzen dugu. Gero eta motibazio gutxiago dago horrelako lanpostuak betetzeko, aintzatespenik ezagatik, bateratzeko zailtasun erantsiengatik eta kasu askotan ordainsari-galeragatik.

Maila guztietan eskatzen diogu errekonozimendua lanbideari! Osakidetza, eman balioa.