Osakidetzako kontratazio-zerrendak: Zerrendak eguneratzeko eta eskabide berriak integratzeko eten-data berria

SATSEk sinatutako kontratazio-akordioarekin bat etorriz, epe bat ireki behar da hurrengorako:

- Azken Lan Eskaintza Publikoaren (2018-19ko EPE) hautaketa-prozesuan parte hartu dutenek, baldin eta plaza finkorik lortu ez badute eta zerrendetan izena emanda ez badaude, horietan izena emateko eskabidea aurkez dezaten.

- Kontratazio-zerrendetan dauden pertsonei puntuazioa eguneratu behar zaie, EPE horretan lortutako nota kontuan hartuta.

- 2018-19ko EPEko hautaketa-prozesuan parte hartu ez eta kontratazio-zerrendetan sartuta ez dauden pertsonek izena emateko eskabidea aurkez dezaten ezarritako epean.

Horrenbestez, Osakidetzak 2024ko maiatzaren 19a ezarri du indarrean dauden zerrendak eguneratu eta integratzeko eten-data gisa.

Zerrenda eguneratuek honako hauek jasoko dituzte puntuazioan: 2018-19ko EPEko nota, EPE honetan izena emateko epearen azken egunera arte (2022ko otsailaren 24a, gure kategorietarako) Osakidetzatik kanpo emandako esperientzia, Osakidetzan emandako esperientzia eta hurrengo eguneratze-egunera arte egiaztatu diren hizkuntza-eskakizunak eta euskara-tituluak (kasu honetan, 2024ko ekainaren 30a).

Indarrean dauden aldi baterako kontratazio-zerrendetan dagoeneko onartuta dauden pertsonek ez dute beste inskripzio-eskaerarik egin behar; hala ere, aldaketak egin ahal izango dituzte eten-datan (2024ko maiatzaren 19a).

Inskripzio-eskaera aldez aurretik egin duten eta baztertuak izan diren pertsonek eskabidea aurkeztu beharko dute berriro, baldintzak betetzen dituzten baloratu ahal izateko epea amaitzen den egunean (2024ko maiatzaren 19a).

Inskripzioa Osakidetzaren aldi baterako kontratazioaren web-orriaren bidez egingo da https://www.osakidetza.euskadi.eus , dagokion inskripzio-inprimaki elektronikoaren bidez. Inprimaki horretan adieraziko da kategoria/lanpostu funtzional desberdinei egindako eskaera eta curriculum vitaea bete dela, pertsonak alegatzen dituen aldi baterako kontratazioko datu baliagarriekin.

Zalantzarik baduzu, galdetu zure SATSEko ordezkariari! Laguntzeko gaude!