Euskararen hizkuntza-eskakizunak egiaztatzeko IVAPen deialdi berria

Euskara-eskakizunak egiaztatzeko IVAPen 2026ko lehen deialdia argitaratu da, Osakidetzako profesionalek parte har dezaten. Izena emateko epea otsailaren 16ra artekoa da.

Euskarako hizkuntza-eskakizunak egiaztatu nahi dituzten Osakidetzako profesionalek izena eman ahal izango dute 2025eko lehen deialdi honetan, IVAPen aplikazioaren bidez. Horretarako, beharrezkoa izango da identifikazio elektronikoa izatea (BAKQ, hodeiko ziurtagiri profesionala...).

IVAPek, Eusko Jaurlaritzaren 19/2024 Dekretuan ezarritakoaren arabera, hizkuntza-egiaztapeneko mailak aldatu ditu. Alde batetik, egiaztapen-eskaintza zabaldu da; ohiko lau profilez gain, beste lau profil erantsi dira, "asimetrikoak" izenekoak. Bestalde, hizkuntza-eskakizunen izendapena Hizkuntzen Europako Erreferentzia Marko Bateratuak (EEMB) ezarritako nomenklaturaren arabera bateratzea xedatu da.

Gainera, egiaztapen-prozesuan parte hartu ahal izateko, gutxienez lan-kontratu bat eduki beharko da Osakidetzan hizkuntza-eskakizunen deialdian izena emateko epean, kasu honetan otsailaren 3tik 16ra, biak barne. Onartuen eta baztertuen behin-behineko ebazpena otsailaren 26an argitaratuko da, eta onartuen eta baztertuen behin betiko ebazpena, berriz, martxoaren 18an.

Osakidetzako hizkuntza-mailak egiaztatzeari eta baliozkotzeari dagokionez, ez da aurreikusten epe laburrera edo ertainera aldaketarik egitea. Ondorioz, eskakizun "asimetriko" berriak ezartzeak ez ditu aldatuko egungo hizkuntza-eskakizunak.

Informazio gehiago IVAPen webgunean.