Barrualdeko emaginak nazkatuta daude: irtenbideak nahi ditugu!

Barrualde ESIko emaginek beren salaketa helarazi digute, pairatzen duten prekarietateagatik eta egoerak udan okerrera egingo duelako duten kezkagatik: estaldurarik eza eta lan-karga areagotuak beste lankide batzuen agendak beren gain hartzeagatik.

Horrek guztiak, gainera, ondorioak ditu arreta eskasa jasotzen duten pazienteengan.

Borrokan gaude!

SATSEko delegatuok ekintza hauek ditugu programatuta:

• Bilera zuzendaritzarekin eta tratamendu-eskaera Langileen Batzordean
• Mobilizazioak
• Herritarrei informazioa ematea
• Sinadura bilketa

Eskatzen dugu

Barrualde ESIko SATSEko ordezkari sindikalok eskatzen dugu

1. Udarako behar den kontratazioari estaldura ematea.
2. Emaginek beren ordutegia ez gainditzea.
3. Kontratatzeko langilerik ez badago, salbuespenezko neurri hauek proposatzen ditugu:

• Boluntarioen zerrendak sortu, ohiko ordutegia gainditzen duen eskaria betetzeko (15:00ak arte); 15:00etatik aurrera agendak ireki, eta orduak autokontzertazio gisa ordaindu, eta ez guardia gisa.
• Autokontzertazioaren B modalitatea onartzea, beste kategoria batzuetan bezala

Zure eskubideen alde borrokatzen dugu!