Osakidetzak erizainen diskriminazioa betikotzen du aparteko lanaldiaren konpentsazioan

SATSEk gure kolektiboen diskriminazioarekin amaitzeko borrokan jarraitzen du. Horregatik, epaitegietara jo dugu berriro Gasteizko Administrazioarekiko Auzien 3. Epaitegiaren 100/2022 epaia betearazteko, Osakidetzak ez baitu bete nahi eta iaz sindikatuari arrazoia eman baitzion. Bertan, justiziak aitortzen du Osakidetzak erizainak diskriminatzen dituela beste kolektibo batzuen aurrean, ez baititu irizpide berak aplikatzen aparteko lanaldiaren konpentsazioan. 

Osakidetzak gure lanbidearen diskriminazio horren aurka egindako jarduera guztiak salatu eta errekurritu ditugu, eta hainbat epaik ematen digute arrazoia. Hala ere, Osakidetzak gure kolektiboaren diskriminazioarekin amaitzeko negoziatu gabe jarraitzen du. 

Orain, Gasteizko epaitegiak berriro zigortu du Osakidetza, gure lanbideak beste kategoria batzuen aurrean duen tratu-berdintasuna urratzeagatik, eta baliogabetu egin du haren instrukzioa. Gainera, 20 egunetan negoziazio-prozesu bat hasteko agindua eman dio eta ez badu egiten isun ekonomiko bat ordaindu beharko du. 

Epaitegiak berriro zigortu du Osakidetza, gure lanbideak duen tratu-berdintasuna urratzeagatik

Egoera horren aurrean, Osakidetzak premiazko mahai sektorial batera deitu gaitu orain, negoziazio-prozesu bat simulatzeko. Hala ere, autoaren alde bakarreko interpretazioa egiten duen dokumentu bat planteatu digu, eta ez gaude ados horrekin, ez baitu erizainentzako B modalitatea onartzen. 

Osakidetzak, halaber, uko egiten dio aitortzeari erizainek beren lankideen agendak eta pazienteak beren gain hartzen dituztela absentziak betetzen ez direnean, eta lan-gainkarga konpentsatzeari beste kolektibo batzuei egiten dien moduan. 

SATSEk behin baino gehiagotan eskatu dio Eusko Jaurlaritzari, egungo Osasuneko sailburuari barne, profesionala aukeratzeko Dekretua argitaratzeko eta erizainen eta emaginen kupoa ezartzeko. 

Egoera larria kontratazioan

SATSEk, halaber, Mahai Sektorialean salatu du Osakidetza kontratazioaren kudeaketa negargarria egiten ari dela, eta BEATBren aldaketak aplikatzen ari dela, Erizaintzako eta Fisioterapiako langileei beste behin ere tratu txarrak emateko. 

Prekarioko kontratazioarekin amaitzeko eskatu dugu, hilabete batean izendapen asko egitera behartzen baititu, etenaldi ugarirekin, eta ondorio larriak ditu: kotizazioan eta langabezia-egunetan, txanden arteko gutxieneko atsedenean, antzinatasunaren zenbaketan, norberaren gauzetarako egunen sorreran, oporretan eta lizentzietan, eta lan-eskubideak urratzen ditu, kalte ekonomiko larria sortuz. 

Prekarioko kontratazioekin amaitzeko eskatzen dugu, ondorio larriak baititu langileengan eta haien lan-eskubideak urratzen baititu.

SATSEk Osakidetzari gogorarazi dio ez duela bete 2017tik itundutakoa, hau da, zentroetako beharrizanetarako behin-behinekotasuna pilotatzea eta lanpostu finko bihurtzea, "finko malguaren" figura, plazarik erakargarriena ez bada ere, bere eskubideak, lanaren jarraipena eta lan-baldintzen hobekuntza bermatzen dituen alternatiba egonkorra baita. 

SATSEtik zure eskubideen alde borrokatzen jarraituko dugu diskriminazioaren eta enpleguaren prekarizazioaren aurka.