Berdintasunaren astea dela eta, SATSE Euskadik agerian utzi du erizainek eta fisioterapeutek duten soldata-arrakala

Urtero bezala, SATSE Euskadik martxoaren 8a aprobetxatu du emakumearen papera ikusarazteko, eta aurten bereziki erizain eta fisioterapeuta gehienek jasaten duten soldata-arrakala izan nahi du ardatz.

Soldata-desberdintasuna ez da soilik gizonek eta emakumeek balio bereko lana egiteagatik hilean soldata bera kobratzen ez dutenean, baizik eta faktore eta kausa desberdinek epe labur, ertain eta luzeko ordainsariak kopuru handiago edo txikiagoan ezberdinak izatea eragiten dutenean. Hori gertatu ohi da; izan ere, normalean emakumeak direlako lanaldiak murrizten dituztenak, eszedentziak eskatzen dituztenak edo ardura-posturik lortzen ez dutenak senideak zaintzeko, eta horrek eragina du, ez bakarrik hileko soldataren murrizketan, baita erretiroan ere.

Soldata-arrakalaren beste arrazoietako bat segregazio horizontala da; izan ere, lanbide feminizatuetan gutxiago kobratzen da “gizonezkoen” lanbideetan baino. Hori erizaintzan eta fisioterapian gertatzen da, % 85,5 eta % 61 emakumeak baitira, hurrenez hurren.

Astean zehar, SATSE Euskadik egunero hainbat baliabide argitaratuko ditu soldata-arrakala zer den jakinarazteko, diskriminazio-egoerak salatzeko eta gobernuak eta enpresek soldata-desberdintasunarekin amaitzeko har ditzaketen neurriak salatzeko.

Gaur, finantza-autonomiarekin hasiko dugu astea, ezinbestekoa baita pertsona guztiek beren nomina ulertzeko eta agertzen diren edo agertu beharko luketen kontzeptuak zer diren jakiteko gaitasuna izatea.

Deskargatu dokumentua!

"Zure finantza-autonomiaren ABCarekin" kontzeptu bakoitzak finantza-ahalduntzeko duen esanahia ezagutu ahal izango duzu. Zeure buruari desafio egitera gonbidatzen zaitugu, kontzeptu bakoitzaren esanahia zein den jakiteko. Gogoan izan zure nomina edo kontratuari buruzko zalantzarik izanez gero, zure ordezkariarekin harremanetan jar zaitezkeela.

Laguntzeko gaude!