Lagin ginekologikoak biltzean metanola erabiltzeak osasun-profesionalei dakarkien arriskuaz ohartarazi du SATSEk

SATSEk jakin du metanol-eduki handia duten soluzioak (ThinPrep Pap Test PreservCyt) erabiltzen direla gure lantokietako lagin ginekologikoak jaso eta garraiatzeko.

Zergatik salatzen dugu egoera hori?

Metanola, 12 72/2008 (EE) Erregelamenduaren arabera (C LP), honela sailkatuta dago:

• Ugalketarako toxikotasuna duen substantzia (Re 1A).

• Esposizio luze eta/edo errepikatuen ondoren kalte sistemiko larriak eragin ditzakeen substantzia.
• GHS08 piktogramarekin identifikatuta. Piktograma horrekin lotutako arrisku espezifikoak: kartzinogeneotasuna, mutagenikotasuna, ugalketarako toxikotasuna, xede-organoetarako toxikotasun sistemikoa, xurgapenagatiko arriskua.

Laneko Arriskuen Prebentzioaren (LAP) arloan indarrean dagoen araudia argia da horri dagokionez:

• LAPari buruzko 31/1995 Legeak, 26. artikuluan, langileak haurdunaldiko eta edoskitzaroko arrisku espezifikoetatik babestera behartzen ditu.

• Laneko amatasuna babesteari buruzko 298/2009 Errege Dekretuak ezartzen duenez, langilearen edo fetuaren osasunerako arriskua dagoenean, lanpostuaren baldintzak egokitu beharko dira edo eginkizunak aldatu beharko dira, ordainsaria murriztu gabe.

• Agente kimikoei buruzko 374/2001 Errege Dekretuak substantzia kimiko arriskutsuekiko esposiziotik eratorritako arriskuak ebaluatu eta kontrolatzera behartzen du, arnastea eta xurgapen dermikoa barne.

Araudiak ezartzen duenez, ugalketa-arriskua duten agente kimikoen kasuan, lehentasunezko prebentzio-neurriak esposizioa ezabatzea edo saihestea izan behar du, eta ezin da aldez aurreko kalteak saihestuz.

BEREHALAKO NEURRIAK ESKATZEN DITUGU

SATSEk, prebentzio-delegatu garen aldetik, egoera hori salatu du, eta Osakidetzako ESI guztietako POUetara jo dugu, bai eta Osasuneko Unitate Korporatibora ere, honako hauek exijituz:

• Metanolarekiko esposizioagatiko arriskuaren ebaluazio espezifikoa.

• Berehalako prebentzio-neurriak hartzea.

• Haurdun dauden langileen edo edoskitze prozesuan dauden emakumeen lanpostua egokitzea edo aldatzea.

• Bereziki sentikorrak diren kolektiboak benetan eta eraginkortasunez babestea.

SATSEk ez du onartuko profesionalen osasuna arriskuan jartzea, eta langileen prebentzioari eta babesari buruzko araudia betetzen ez duen edozein egoera salatzen jarraituko dugu.

Zalantzarik baduzu, galdetu zure ordezkariari, zu babesteko gaude.

Lan-osasuna ezin da negoziatu