Elkarretaratze jendetsuak ospitaleetan, Osakidetzari langileen aldarrikapenei eta beharrei erantzun diezaiela eskatzeko

Lehen Mailako Arretan egindako mobilizazioen ondoren, kontzentrazioak Osakidetzako ospitaleetara eraman ditugu gaur, eremu horretako langileen ondoezari ahotsa emateko eta langileen benetako beharrei erantzungo dien negoziazioa eskatzeko.

SATSEk salatzen du lanbide-kategorien artean bidegabekeria konparatibo argia dagoela oraindik, eta ezinbestekotzat jotzen dugu Osakidetzak egoera horri amaiera emango dioten neurriak hartzea. Lehentasunezko aldarrikapenen artean, berriki medikuen kolektiboari onartu zaizkion hobekuntzak zaintzak egiten dituzten profesionalei zabaltzea nabarmentzen da.

SATSEren ustez, justifikaezina da premiazko osasun-arreta bermatzeko ardura duten profesionalek bestelako tratua jasotzea. Sindikatuak gogorarazi duenez, guardia egin ondoren, medikuek atsedena dute, eta erizainek oraindik ez dute eskubide hori onartzen.
Guardiek eragin bera dute osasunean, atsedenean eta bateragarritasunean, lanbide-kategoria edozein dela ere. Ez dago inolako arrazoirik erizain batek guardia egin ondoren mediku batek baino eskubide gutxiago izatea justifikatzen duenik; horregatik, uste dugu egoera horrek diskriminazio nabarmena dakarkiola erizainari.

Datorren urriaren 30eko greba aukera bat da erakusteko erizaintza eta fisioterapia ez daudela prest diskriminazioak eta konparaziozko laidoak onartzen jarraitzeko. Parte-hartze bakoitzak kontatzen du, ahots bakoitzak batzen du eta babes-keinu bakoitzak bidezkoa den aldarrikapen bat indartzen du.

Gure esku dago gure indarra agerian jartzea eta merezi dugun errekonozimendua eskatzea.

NEGOZIAZIOA DEFENDATU ORAIN! Bat egin!