Berriak
Garapen Profesionala
Euskararen hizkuntza-eskakizunak egiaztatzeko IVAPen deialdi berria
Gaur argitaratu da euskararen hizkuntza-eskakizunak egiaztatzeko IVAPen 2025eko lehen deialdia. Osakidetzako profesionalek parte har dezakete bertan eta izena emateko epea bihar, otsailak 4, hasi eta hilaren 17ra arte izango da.
Euskararen hizkuntza-eskakizunak egiaztatu nahi dituzten Osakidetzako profesionalek IVAPeko aplikazioaren bidez eman ahal izango dute izena 2025eko lehen deialdi honetan. Horretarako derrigorrezkoa izango da identifikazio elektronikoa izatea (BAKQ, ziurtagiri profesionala hodeian…)
IVAPek, Eusko Jaurlaritzaren 19/2024 Dekretuan ezarritakoaren arabera, hizkuntza-eskakizun mailak egokitu ditu. Alde batetik, eskaintza zabaldu du; ohiko lau hizkuntza-eskakizunez gain, beste lau erantsi ditu, "asimetriko" izenekoak. Bestalde, terminoak bateratu ditu, Hizkuntzetarako Europako Erreferentzia Esparru Bateratuak (HEEEB) ezarritako nomenklaturaren arabera.
Hizkuntza-eskakizunak 2025 - … |
Idazmena eta irakurmena |
Mintzamena eta entzumena |
Aurreko deitura |
Izen-emateko baldintzak1 |
A2B1 |
A2 |
B1 |
- |
- |
B1B1 |
B1 |
B1 |
1. HE |
- |
B1B2 |
B1 |
B2 |
- |
B1B1 egiaztatuta izatea aurretik |
B2B2 |
B2 |
B2 |
2. HE |
- |
B2C1 |
B2 |
C1 |
- |
B2B2 egiaztatuta izatea aurretik |
C1C1 |
C1 |
C1 |
3. HE |
- |
C2C1 |
C2 |
C1 |
- |
C1C1 egiaztatuta izatea aurretik |
C2C2 |
C2 |
C2 |
4. HE |
C1C1 egiaztatuta izatea aurretik |
1 Egiaztapen-prozesuan parte hartu ahal izateko, gainera, interesdunak Osakidetzan gutxienez lan-kontratu bat eduki beharko du hizkuntza-eskakizunen deialdian izena emateko epean, kasu honetan otsailaren 4tik 17ra, biak barne.
Osakidetzako hizkuntza-mailak egiaztatzeari eta baliozkotzeari dagokionez, ez da aldaketarik aurreikusten epe laburrera zein ertainera. Beraz, eskaintza "asimetriko" berriek ez dute eraginik izango Osakidetzako lanpostuen hizkuntza-eskakizunetan.
Informazio gehiago IVAPen webgunean.
Interesgarria izan dakizuke
