Osasun Mentaleko Erizaina, Emagina eta Fisioterapeuta kategorietako lekualdatze-lehiaketa: Epe berria

2023ko uztailaren 14an, Euskal Herriko Agintaritzaren Aldizkarian argitaratu da Osakidetza-Euskal Osasun Zerbitzuko Giza Baliabideetako zuzendariaren ebazpenak, Osakidetza zerbitzu-erakundeetan destinoa duten Osasun Mentaleko Erizaina, Emagina eta Fisioterapeuta kategorietako lekualdatze-lehiaketa ireki eta iraunkorreko eskaintzaren akatsen zuzenketa argitaratzen dutenak.

Epea:

• Eskaera egiteko aplikazioa beti dago irekita, eta edozein unetan alda daiteke. Dena den, uneko ziklorako bakarrik hartuko da kontuan hautatutakoa edo ezarritako epea amaitu arte aldatutakoa: 2023ko uztailaren 28a.

• Egiten den eskaera eta horren aldaketa indarrean egongo dira, eta baliozkoa izango da destinoren bat esleitu arte edo destinoak esleitzeko behin-behineko ebazpenaren aurka alegazioak aurkezteko azken egunera arte egin daitekeen TZn atzera egin arte. Ezin izango da aldaketa gehiagorik egin dagokion zikloko behin betiko aldaketak EHAAn argitaratu arte.

• Ziklo bakoitzean baloratutako merezimenduak zenbatzeko epea ere uztailaren 28ean izango da (egun horretan CVn sartuta eta baliozkotuta ez dagoena ez da ziklo horretarako zenbatuko).

Izen ematea:

Inskripzioa Osakidetzaren webguneko "Lekualdatze Lehiaketa Irekia eta Iraunkorra" aplikazioaren bidez egin ahal izango da.

Informazio gehiago nahi izanez gero, jarri harremanetan zure ordezkariarekin edo probintziako egoitzarekin.

 

Lekualdatze-lehiaketa

Lekualdatze-lehiaketa irekia eta iraunkorra lanpostuak betetzeko sistema bat da, Osakidetzako langile finkoen eta Gizarte Segurantzako osasun-erakundeetako edo autonomia-erkidegoetako osasun-zerbitzuetako estatutupeko langile finkoen mugikortasunerako eskubidea bermatzen duena, kategoria / lanpostu funtzional beraren barruan destinoz aldatzeko, publizitate-, berdintasun-, merezimendu- eta gaitasun-printzipioen arabera, eta prozesu bikoitza du.