12M: Kontzentrazioa erizaintzaren egunean. Arrazoiak soberan ditugu, konponbideak falta zaizkigu!

Maiatzaren 12an, erizainaren nazioarteko egunean, elkarretaratzea egingo dugu Osakidetzari eta Sailari esateko ez dugula "ezer berririk ospatzeko".

Osakidetzako Zuzendaritza aldatu arren, gure eskaerak oraindik ez dira entzun: diskriminazioa, errekonozimendu falta eta profesionalki haztea eta gure lana herritarrek merezi duten bezala egitea eragozten digun kristalezko sabaia jasaten ditugu.

Gure gaitasunak "mugarik eta oztoporik gabe" garatu nahi ditugu lan-ingurune seguruetan eta lan-baldintza duinetan.

Arrazoiak soberan ditugu.

• Erizain espezialistak falta dira, eta horrek ordezkapenak zailtzen ditu, langileak gehiegi kargatzen ditu eta gure zainketen kalitatean eta berotasunean eragiten du.
• Ez dago bitartekotasun-eskaintzarik, eta kontratazio-zerrendak ez dira behar bezala eguneratzen.
• EPE arinak eta nahikoak eskatzen ditugu, enplegua egonkortzeko eta martxan daudenak berehala eta akatsik gabe konpontzeko.
• 2 urte baino gehiago daramatzagu lekualdatze-lehiaketarik gabe, "irekia eta iraunkorra", plantillaren mugikortasunerako eskubidea ahalbidetzen duena.
• Gure ordainsariak ez daude eguneratuta eta ez datoz bat gure lanaren errealitatearekin
• Kontziliazio erreal eta eraginkorra behar dugu, pertsonen beharretara egokitua.
• Egoera berean dauden beste profesional batzuekiko etengabeko diskriminazioak jasaten ditugu
• Bidezko birsailkapena aldarrikatzen dugu, gure eskubidea da!
• Ordainsari-galerarik gabeko erretiro aurreratua ahalbidetzea eskatzen dugu

Eta, aldiz... Konponbideak falta zaizkigu, ekin!

KONTZENTRAZIOA:

• 2025eko maiatzaren 12a - 12:00

• OSASUN SAILAREN BILBOKO EGOITZA. Errekalde Zumarkalea, 39. 48008 Bilbo.

Osakidetza entzun, erizainak borrokan!