Osakidetzak 290 erizain utzi ditu kontratazio-zerrendetatik kanpo

Osakidetza abuztua aprobetxatzen ari da irekita dituen bi EPE prozesuen, lekualdatze-lehiaketaren eta kontratazio-zerrenden emaitzei buruzko argitalpen ugari egiteko. Hala ere, prozesu guztiak aldi berean argitaratzeko premia horren ondorioz, akats ugari egin ditu, gero zuzendu egin behar direnak.

Horren adibide dira lekualdatze-lehiaketaren kasua besteak beste, zuzendutako ebazpenaren argitalpenaren zain gaudela, edota  bi EPE-en dokumentazioa entregatzeko ospitaleetan sortzen ari diren ilara luzeak.

Azken akatsa erizaintzako kontratazio-zerrendak argitaratzean sortu da. Bertan, Osakidetzak 290 erizain baino gehiago baztertzea erabaki du, eskatutako titulazioa ez dutela argudiatuta.

Egoeraren kontraesana da erizain horiek guztiak momentu honetan lanean ari direla Osakidetzan, eta, beraz, "euskal erakunde publikoaren arabera, gaur egun 300 erizain inguru ari dira titulaziorik gabe lanean", salatu du sindikatuak.

Salaketa

Erizainen sindikatuak zentzugabekeria hori salatu du: "ezin da izan 290 erizain lanean egotea une honetan, Osakidetzak kontratazio-zerrendetarako titulaziorik ez dutela uste badu". Beraz,"Osakidetzari ofizioz jarduteko eskatzen diogu, eta erizain horiek kontratazio-zerrendetan zuzenean sartzeko eta haiekin harremanetan jartzeko, eskatutako titulua eman ahal izan dezaten eta lanean jarraitu ahal izan dezaten".